بسم الله الرحمن الرحيم
صغيرة وامورة مبسوطة بعودتها لبيتم بعد ٣سنوات اسماء الصغيرة ست البنات لحدهم تجري يمين وشمال في البيت تتذكر معالم منزلهم ومحل لعبا الدمروا الدعامة وسرقوا كل شيء حتى الطوطحانية حقتها وفجأة تقول لأمها الحمد الله بيتنا ماشالوا من محله.
وتقول للناس الجو الحمدو ليهم سلامة العودة ومعاناة النزوح نحن مشينا أهلنا في البلد واكرمونا وادونا بيت واكلونا كتير لمن شبعنا.
نعم حقيقة كتر خير الاهل في كل مكان في السودان اللموا الاهل والجيران والمعارف وفتحوا بيوتم ومخازنم الفيها الخير كلو ( ذرة – قمح – دخن _ شعير وغيره كتير.) وسبحان الله حتى الأرض المزروعة انتجت وفاض إنتاجها في القضارف في شمال كردفان في الجزيرة وفي الشمالية وفي الشرق وصوامع اتملت ومخازن قفلت الحمدلله وبهائم وسعيه شبعت وكترت في إنتاجها وأصبح الخير زراعة وثروة حيوانية وفعلا بلدا مادام فيها إكرام الضيف و نجدة الملهوف وناس تشيل الشيلة مع بعضها رغم الظروف واطفال يحكوا الشافوه من خير ونعمة ونسوا الألم والخوف نقول ان شاء الله لكل زول ولكل منظمة بتمنى لينا الجوع والمصغبة والتسول والتحول نحنا مادام مادام روحنا فينا مافي زول بقدر علينا ونحن مادام عندنا زراعة مافي مجاعة.
كل عام وانتم بخير.
دبهاء الدين محمد أحمد التجاني
مايو ٢٠٢٦ م
