كما أخبرنا قبل (٤٨) ساعة من عصر اليوم في خبر سابق أن المفاصلة داخل قحط التقزمية ستعلن بصورة رسمية من خلال هذا التوقيت وقد كان ..
الجماعة أطلاقوا
طلاق ثلاثة…
تقدم أنشقت علي قسمين
وتم التجاذب في اسم تقدم
ثم اتفق الجميع يلغوا الاسم بالكامل واي واحد يفتش ليهو اسم جديد …
تقدم الجبهة الثورية منذ لحظة طلاقها وقبل اكتمال عدة الثلاث شهور أعلنت الزواج من مليشيا الدعم السريع مؤكده بأنها ستأسس حكومة في مناطق سيطرة المليشيا بالتنسيق مع المليشيا ..
ااااي بالواضح كدا
دعااامة دعامة …
تقدم تعبت شديد من الخوف من المجتمع ..
وقالت :
تعبته
تعبته
انا تعبته ..
اااااي نحن دعااامة
دعاااااااااامة. ..دعااااااامة
وبركت علي ركبتيها تبكي
(بكاء وصفقة وصفير الجمهور ). .
تقدم فرع بكري الجاك ذهبت تبحث في شوارع يوغندا عن زواج جديد أن شاء الله عرفي أو بالحرام ..وهي الآن واقفة في ناصية شارع مظلم في أحد حواري كمبالا جااااره الشارع وتغازل المارة …
تقدم الجبهة الثورية أعلنت أنها أعدت دستور وهياكل حكم تشابه الموجودة في حكومة السودان الان يعني عندهم مجلس سيادة ومجلس وزراء وحكومة تنفيذية ..
والله البشوف كلام أسامة سعيد يقول في حكومة جد
انا ما عارف مناطق سيطرة الدعم السريع دي وين بالضبط ..؟!
حتي حكاية انو الدعم السريع يسيطر علي دارفور كلام غير صحيح ..
الدعم السريع يسيطر علي مدن في دارفور سيطرة علي كف عفريت تعاني الخوف والترقب والجيش ماشي عليها يشلعها طوبة طوبة ..
حكومة أسامة سعيد وصندل لحدي ما يجي وقت يعلنوها الجيش بكون حرر لحدي انجمينا…
غايتو جماعة حكومة المنفي وشلة أسامة سعيد ضربوها صااااااح ولو لاحظت بتلاقيهم كلهم ناس غربة وضاربين هواء اوربا البارد منذ نعومة اظافرهم بحجة المعارضة ..عشان أكد الافضل ليهم يمشوا في موضوع حكومة المنفي حتي يضمنوا بقاءهم بالخارج ومن يصرف عليهم بحجة الحكومة الجديدة ..
يدفعوك ليك ايجار البيت
ومصاريف الاولاد
وتسكن بروكسل
وتحكم بدون أعباء
ماااااا كعبة والله
تبوس يدك وش وضهر
ومال السيح الشالو الريح ..
حكومة حكومة انا خسران حاجة اصلي من زمان قاعد برا السودان …
اما التانيين وضعهم متازم جدا فالمليشيا نفضتهم وبرهان قال ليهم تعالوا بلد تنتظرهم فيها النيابة العامة ببلاغات تصل عقوبتها الإعدام وشعب ما سكنوا منهم باللجام …
والأسوا من كدا ترامب بالأمس أصدر قرار عاجل التنفيذ بإيقاف المال المدفوع للمنظمات من شاكلة التي سيترزق من ريعها القحاطة الانجاس بزعم المعارضة والإصلاح الديمقراطي …
غاااايتو اللمت في بكري الجاك وجماعتو زي اللمت في بني إسرائيل ايام موسي عليه السلام وتااااهو في الأرض ولفوووو سورو…
واحتمال الطلاق دا يطلع لعبة ساااااي …
وانشفت تقدم بغرض اللعب علي ثلاث حبال ..
بمعني تقدم مع المليشيا.. تقدم في المعارضة ..
تقدم مع الجيش..
كلو وارد
المهمممممممممممممممم…
دعوة برهان لقحط التقزمية بالعفو والعودة للبلاد زي عزومة (المراكبية) انت في القيف وهم يفطروا في مركبهم في نص البحر ويقول ليك اتفضل فطور يازول …
أها برهان قال لجماعة ديل
اتفضلوا الحقوا الحوار
وبرهان قاعد في نص النيابة والشعب …
شعب سايأكلكم بدون عيش ونيابة تنتظركم بالمشانق ..
وبرهان شابكهم ليك اتفضلوا يا ناااااس الحوار جاهز ما يبرد ..
الحوار ما يبرد ياحمدوك
الحق الشطة الخضراء يازوول ..
والعالم مبسوط من برهان الطيب المثالي …
( منصور الهادي )
