آمنة الفضل تكتب: عايزة اقول
ما أي شخص صالح لكل الأزمنة والأوقات والمواقف.. في شخص محدود الوصال والمواقف معاك. وغالبا يكون الشخص ظهر مرة واحدة أو مرات قليلة و متفرقة في حياتك…ما نزعل عشان اختفى أو أصبح مُقل في مواكبة حالاتك وتقديم حلول أو مشاركة حزنك أو فرحك… ما نزعل عشان دي مقدراته فعلاً ودا زمنه معاك. اي محاولة منك لاجترار عطفه بكون إجهاد نفسي ليك وضياع زمن… وفي شخص بتستمر معاك لأنه قدرته معاك غير محدودة بزمن أو موقف .. دا الشخص البياخد بيدك ويربت على قلبك بدون ماتشكي.. أو لو شكيت.. الشخص دا سر استمرارك في الحياة معافى ومبسوط رغم كل شيء… دا حارسك الشخصي وسر عافيتك النفسية والذهنية .. بفهم احساسك ويجتهد يساعد في الحل دائماً وأحيانا بقدم حلول ناجعة للمعضلة مهما كانت.. ممكن يعمل اي حاجة عشان يسعدك ويراضيك.. 🌹
خلاصة الكلام ؛ الناس مختلفة بطبعها وتوقيتها في حياتنا ومواقفها..
آمنة الفضل
